Istoria
L'istorgia raquinta la basa dal temp preschent e da l'avegnir e furnescha perquai scenaris per ils films ils pli captivants e fascinants. Sin Play Suisse sa chattan gia ver tschient videos davart temas dramatics da l'istorgia svizra en il «lung 20. tschientaner». Ils videos - quai pon esser ficziuns che sa basan sin fatgs istorics, films documentars u era testimonianzas dal temp - èn ordinads tenor las suandantas periodas: la naschientscha da la Svizra moderna dapi la segunda mesadad dal 19avel tschientaner; ils onns enturn la midada al 20avel tschientaner cun tut sias utopias; il temp enturn la segunda guerra mundiala cun la dumonda davart la rolla internaziunala da la Svizra e da sias valurs; il temp suenterguerra cun l'augment economic senza fin e ses cunfins e ses perdents; ils onns da culturas novas, enquistas e protestas a partir dals onns 1960; fin a la fin presumtiva da la guerra fraida suenter il 1989.
I dat anc bler dapli da scuvrir
Play Suisse porscha access gratuit als megliers films, serias e documentaziuns svizras. Laschai surprender d’istorgias or da tut il pajais e guardai tge che Vus vulais, cura e nua che Vus vulais - gratuit.
Access gratuit
La finanziaziun da Play Suisse è cuvrida cun las taxas da radio e televisiun da la SSR.
Cuntegns cun suttitels u sincronisads
Scuvri millis d’istorgias svizras en tut las linguas naziunalas.
Tuttina nua che Vus essas
Smartphone, tablet, computer e televisiun: midai simplamain d’in apparat a l’auter.
