The European Collection
Co vesan noss vischins e nossas vischinas europeicas ils gronds problems da noss temp? Tge temas als occuppan? Tschintg partenaris, tschintg linguas ed in project communabel: la collecziun europeica. En quel rom offreschan ARTE, ARD, ZDF, France Télévisions e la SRG SSR ina selecziun da films documentars, reportaschas e formats web sur da temas actuals da la politica e da la societad en l‘Europa.
I dat anc bler dapli da scuvrir
Play Suisse porscha access gratuit als megliers films, serias e documentaziuns svizras. Laschai surprender d’istorgias or da tut il pajais e guardai tge che Vus vulais, cura e nua che Vus vulais - gratuit.
Access gratuit
La finanziaziun da Play Suisse è cuvrida cun las taxas da radio e televisiun da la SSR.
Cuntegns cun suttitels u sincronisads
Scuvri millis d’istorgias svizras en tut las linguas naziunalas.
Tuttina nua che Vus essas
Smartphone, tablet, computer e televisiun: midai simplamain d’in apparat a l’auter.
Nus respundain Vossas dumondas
Play Suisse porscha in access illimità als programs da la SSR senza custs supplementars. La plattafurma offra a Vus las meglras producziuns e coproducziuns da RTR, SRF, RSI e RTS. Play Suisse vegn finanzià cun il budget regular da la SSR. Per las utilisadras ed ils utilisaders na resultan damai nagins custs supplementars.
Play Suisse è disponibel sin ils suandants apparats:
Computer / Web
Voss computer sto disponer d'ina versiun actuala da Windows u da macOS sco era d'in browser actual.
Smartphones e tablets
IOs
Android
Actualisar ils sistems operativs sin la versiun la pli nova.
Televisiun
Apple TV (a partir da tvOS 15)
Tut ils apparats e tut las televisiuns cun access a Google Play a partir d'Android 7 (Xiaomi, Nvidia Shield, Sony Bravia, Google TV, e.u.v.)
Swisscom blue TV App (versiun da las boxas IP1400, 1800 u 2000)
Sunrise TV
Samsung Tizen (models a partir dal 2018)
LG Web Os (models a partir dal 2018)
Philips Titan OS
Net+
TV plus
Quickline
Amazon FireTV
Chromecast
Gea, sut las suandantas cundiziuns:
- Vus avais Voss domicil en Svizra.
- Vus essas en in stadi commember da l’UE.
Persunas che vivan en Svizra e che fan in segiurn temporar en l’UE pon dar liber l’access als cuntegns da Play Suisse. Per motivs dals dretgs d’emissiun n’èsi actualmain betg pussaivel da dar liber l’access en pajais ordaifer l’UE.
Sche utilisadras ed utilisaders da Play Suisse che vivan en Svizra èn temporarmain en il territori da l’UE, dastgan ils cuntegns da la plattafurma tuttina vegnir mess a disposiziun en la gronda part dals cas. Per che la SRG SSR possia lubir l’access davent da l’UE, è ella obligada da verifitgar ils lieus da dimora ed eventualmain il domicil. Igl è però pussaivel che singuls videos sin Play Suisse na pon betg vegnir mess a disposiziun per motivs giuridics en il territori da l'UE.
Sche Vus activais l’access or da l’UE, pudais Vus sulettamain acceder al catalog da Play Suisse e betg a l’entira purschida da la SRG SSR. Ultra da quai dependa la disponibladad dals cuntegns en tscherts pajais da las cunvegnas cun ils possessurs dals dretgs da distribuir ils cuntegns respectivs u da las cundiziuns da basa giuridicas dal pajais correspundent. La SRG SSR dispona per regla be dals dretgs da publitgar cuntegns en Svizra ed en il Principadi da Liechtenstein.
Gea. Tut ils cuntegns èn disponibels en la lingua originala cun suttitels tudestgs, franzos e talians, tscherts cuntegns datti era cun suttitels rumantschs. Premess che las versiuns auditivas en autras linguas naziunalas èn disponiblas, vegnan quellas medemamain purschidas. Sporadicamain datti da vesair producziuns estras sin Play Suisse. Quellas vegnan, sche pussaivel, adina messas a disposiziun en la lingua originala, ils suttitels èn dentant disponibels era qua adina en almain trais linguas naziunalas, per part supplementarmain en englais.
Per acceder a Play Suisse sco er a servetschs persunals duvrais Vus in conto d'utilisader. Uschia pudais Vus per exempel sincronisar «Mia glista» sin tut ils apparats, guardar vinavant videos, survegnir recumandaziuns da cuntegn e newsletter individualisadas. Grazia al login pon persunas cun domicil en Svizra plinavant acceder als cuntegns da Play Suisse durant ina dimora transitorica en l'UE. Ulteriuras infurmaziuns davart il login survegnis Vus qua: FAQ davart il login
